پھر بھی ہے تم کو مسیحائی کا دعویٰ دیکھو مجھ کو دیکھو مرے مرنے کی تمنّا دیکھو جرمِ نظارہ پہ کون اتنی خوشامد کرتا اب وہ روٹھے ہیں لو اور تماشا دیکھو دو ہی دن میں وہ بات ہے نہ وہ چاہ نہ پیار ہم نے پہلے ہی یہ تم سے نہ کہا تھا دیکھو؟ ہم نا کہتے تھے بناوٹ سے ہے سارا غصّہ ہنس کے لو پھر انھوں نے ہمیں دیکھا دیکھو مستیِ حسن سے اپنی بھی نہیں تم کو خبر کیا سنو عرض میری،حال میرا کیا دیکھو گھر سے ہر وقت نکل آتے ہو کھولے ہوئے بال شام دیکھو نہ میری جان سویرا دیکھو خانۂ جان میں نمودار ہے اک پیکرِ نور حسرتو آؤ رخِ یار کا جلوہ دیکھو سامنے سب کے مناسب نہیں ہم پر یہ عتاب سر سے ڈھل جائے نہ غصّے میں ڈوپٹہ دیکھو مر مٹے ہم تو کبھی یاد بھی تم نے نہ کیا اب محبّت کا نہ کرنا کبھی دعویٰ دیکھو دوستو ترکِ محبّت کی نصیحت ہے فضول اور نہ مانو تو دلِ زار کو سمجھا دیکھو سر کہیں،بال کہیں،ہاتھ کہیں،پاؤں کہیں اس کا سونا بھی ہے کس شان کا سونا دیکھو اب وہ شوخی سے یہ کہتے ہیں ستمگر جو ہیںہم دل کسی اور سے کچھ روز بہلا دیکھو ہوَسِ دل مٹی ہے نہ مٹے گی حسرت دیکھنے کے لیئے چاہو انہیں جتنا دیکھو حسرت موہانی
|
Phir Bhi Hai Tumako Masihai Ka Daawa Dekho Mujhako Dekho, Mere Marane Ki Tamannaa Dekho Jurm-E-Nazzaaraa Pe Kaun Itanii Khushaamad Karataa Ab Wo Ruuthe Hain Lo Aur Tamaashaa Dekho Do Hi Din Mein Wo Baat Hai Na Wo Chaah Na Piyaar Ham Ne Pahale Hi Ye Tum Se Na Kahaa Thaa Dekho Ham Na Kahate The Banaavat Se Hai Saaraa Gussaa Ha.Ns Ke Lo Phir Wo Unhon Ne Hamein Dekhaa Dekho Mastii-E-Husn Se Apanii Bhi NahiN Tum Ko Khabar Kyaa Suno Araz Merii, Haal Meraa Kyaa Dekho Ghar Se Har Vaqy Nikal Aate Ho Khole Hue Baal Shaam Dekho Na Merii Jaan Saveraa Dekho Khaanaa-E-Jaan Mein Namudaar Hai Ek Paikar-E-Nuur HasaratoN Aao Rukh-E-Yaar Kaa Jalvaa Dekho Saamane Sab Ke Munaasin Nahin Ham Par Ye Itaab Sar Se Dhal Jaaye Na Gusse Mein Dupattaa Dekho Mar Mite Ham To Kabhii Yaad Bhii Tum Ne Na Kiyaa Ab Muhabbat Kaa Na Karanaa Kabhii Daawaa Dekho Dosto Tark-E-Muhabbat Kii Nasiihat Hai Fazuul Aur Na Maano To Dil-E-Zaar Ko Samajhaa Dekho Sar Kahin Baal Kahin Haath Kahin Paaon Kahin Us Kaa Sonaa Bhii Hai Kis Shaan Kaa Sonaa Dekho Ab Wo Shokhii Se Ye Kahate HaiN Sitamagar Jo HaiN Ham Dil Kisii Aur Se Kuchh Roz Bahalaa Dekho Havas-E-Diid Mitii Hai Na Mitegi 'Hasrat' Dekhane Ke Liye Chaaho Unhein Jitanaa Dekho..!! HSRAT MOHANI |