لکھیں اور 40404 پر سینڈ کریں۔ پھر اپنا نام لکھ کر 40404 پر سینڈ کریںFollow         Pak488 میں جا کر Write         Message     اردو ادب کے تمام شعرائے کرام کی شاعری کے ایس ایم ایس اپنے موبائل پر مفت حاصل کرنے کے لئے
جب بھی آتا ہے مرا نام ترے نام کے ساتھ جانے کیوں لوگ مرے نام سے جل جاتے ہیں قتیل شفائی






Yar ko Hum NE Ja Baja Dekha....by Niaz Barelvi





یار کو ہم نے جا بجا دیکھا 
کہیں ظاہر کہیں چھپا دیکھا

کہیں ممکن ہوا کہیں واجب 
کہیں فانی کہیں بقا دیکھا

دید اپنے کی تھی اسے خواہش 
آپ کو ہر طرح بنا دیکھا

صورت گل میں کھل کھلا کے ہنسا 
شکل بلبل میں چہچہا دیکھا

شمع ہو کر کے اور پروانہ 
آپ کو آپ میں جلا دیکھا

کر کے دعویٰ کہیں انا الحق کا 
بر سر دار وہ کھنچا دیکھا

تھا وہ برتر شما و ما سے نیاز 
پھر وہی اب شما‌ و ما دیکھا

کہیں ہے بادشاہ‌ تخت نشیں 
کہیں کاسہ لئے گدا دیکھا

کہیں عابد بنا کہیں زاہد 
کہیں رندوں کا پیشوا دیکھا

کہیں وہ در لباس‌ معشوقاں 
بر‌ سر‌ ناز اور ادا دیکھا

کہیں عاشق نیازؔ کی صورت 
سینۂ بریاں و دل جلا دیکھا

نیاز بریلوی

Relevent Best Poetry
Har Shakhs Preshan Say Haira...

Chaak Dil Bhi Kabhi Siltay H...

Nigahon Mein Khumar Aata Hai...

Dasht Ghurbat Hai Alalat Bhi...

Rat Kay Pichle Pehr Ronay Ka...

Mil Hi Jaye Ga Kabhi Dil Ko ...



جب بھی آتا ہے مرا نام ترے نام کے ساتھ جانے کیوں لوگ مرے نام سے جل جاتے ہیں قتیل شفائی

Powered By: eVision Development Solutions Visit: www.evdsp.com