لکھیں اور 40404 پر سینڈ کریں۔ پھر اپنا نام لکھ کر 40404 پر سینڈ کریںFollow         Pak488 میں جا کر Write         Message     اردو ادب کے تمام شعرائے کرام کی شاعری کے ایس ایم ایس اپنے موبائل پر مفت حاصل کرنے کے لئے






Andheray Laakh Chupa Jain Ujala Kam Nahin Hota





اندھیرے لاکھ چھا جائیں اجالا کم نہیں ہوتا 
چراغ آرزو جل کر کبھی مدھم نہیں ہوتا 

مسیحا وہ نہ ہوں تو درد الفت کم نہیں ہوتا 
یہ زخم عشق ہے اس زخم کا مرہم نہیں ہوتا 

غم جاناں کو جان جاں بنا لے دیکھ دیوانے 
غم جاناں سے بڑھ کر اور کوئی غم نہیں ہوتا 

طلب بن کر مری ہر دم وہ میرے ساتھ رہتے ہیں 
کبھی تنہا مری تنہائی کا عالم نہیں ہوتا 

تمہارا آستانہ چھوڑ کر آخر کہاں جاؤں 
دیا ہے درد دل تم نے وہ دل سے کم نہیں ہوتا 

مرا تن من جلا کر تو نے ظالم خاک کر ڈالا 
مگر اے سوز الفت تیرا شعلہ کم نہیں ہوتا 

تیرے در سے مجھے اتنی محبت ہو گئی جاناں 
ترے در کے علاوہ سر کہیں بھی خم نہیں ہوتا 

بدلتی ہی نہیں قسمت محبت کرنے والوں کی 
تصور یار کا جب تک فناؔ پیہم نہیں ہوتا 

سمجھ لیجے کہ جذب دل میں ہے کوئی کمی باقی 
اگر دیدار ان کا عشق میں ہر دم نہیں ہوتا

فنا بلند شہری
Relevent Best Poetry
Khamosh Lub Hain Jhuki Hain ...

Ye Kaise Morr Pe Laaya Hai M...

Kabhi Jo Hum Nahi Hon Gay

Hamara Dil Saweray Ka Sunehr...

Khud Se nahin Faraar Decembe...

Ik Tarz e Taghafull Hai So W...



Powered By: eVision Development Solutions Visit: www.evdsp.com