لکھیں اور 40404 پر سینڈ کریں۔ پھر اپنا نام لکھ کر 40404 پر سینڈ کریںFollow         Pak488 میں جا کر Write         Message     اردو ادب کے تمام شعرائے کرام کی شاعری کے ایس ایم ایس اپنے موبائل پر مفت حاصل کرنے کے لئے






Woh Aankhain Kaisi Aankhain Hain....





وہ آنکھیں کیسی آنکھیں ہیں
جنھیں اب تم چاہا کرتے ہو!
تم کہتے تھے
مری آنکھیں ، اِتنی اچھی، اِتنی سچی ہیں
اس حُسن اور سچائی کے سوا، دُنیا میں کوئی چیز نہیں
کیا اُن آنکھوں کو دیکھ کے بھی
تم فیض کا مصرعہ پڑھتے ہو؟
تم کہتے تھے
مری آنکھوں کی نیلاہٹ اتنی گہری ہے
مری روح اگر اِک بار اُتر جائے تو اس کی پور پور نیلم ہو جائ
مُجھے اتنا بتاؤ
آج تمھاری رُوح کا رنگ پیراہن کیا ہے
کیا وہ آنکھیں بھی سمندر ہیں ؟
یہ کالی بھوری آنکھیں
جن کو دیکھ کے تم کہتے تھے
یوں لگتا ہے شام نے رات کے ہونٹ پہ اپنے ہونٹ رکھے ہیں 
کیا اُن آنکھوں کے رنگ میں بھی،یوں دونوں وقت مِلا کرتے ہیں ؟
کیا سُورج ڈُوبنے کا لمحہ،اُن آنکھوں میں بھی ٹھہر گیا
یا وہاں فقط مہتاب ترشتے رہتے ہیں ؟
مری پلکیں
جن کو دیکھ کے تم کہتے تھے
اِن کی چھاؤں تمھارے جسم پہ اپنی شبنم پھیلا دے
تو گُزرتے خواب کے موسم لوٹ آئیں
کیا وہ پلکیں بھی ایسی ہیں
جنھیں دیکھ کے نیند آ جاتی ہو؟
تم کہتے تھے
مری آنکھیں یُونہی اچھی ہیں
ہاں کاجل کی دُھندلائی ہُوئی تحریر بھی ہو__تو
بات بہت دلکش ہو گی!
وہ آنکھیں بھی سنگھار تو کرتی ہوں گی
کیا اُن کا کاجل خُود ہی مِٹ جاتا ہے؟
کبھی یہ بھی ہُوا
کِسی لمحے تم سے رُوٹھ کے وہ آنکھیں رو دیں
اور تم نے اپنے ہاتھ سے اُن کے آنسو خُشک کیے
پھر جُھک کر اُن کو چُوم لیا
(کیا اُن کو بھی!!)

پروین شاکر
Relevent Best Poetry
Main insan Ki Kab Ataa Chaht...

Ab Ki Bar December Mein ....

Kisi Kay Dard Ke Safhaat Hum...

Meri Tanhai Barhatay hain Ca...

Hum Kisi Chasham e Fasoon Sa...

Laakh zabt-E-Khwahish Kay..



Powered By: eVision Development Solutions Visit: www.evdsp.com